მასწავლებელთა პროფესიული განვითარების ეროვნული ცენტრის ორგანიზებით, eTwinning პროგრამის ფარგლებში, საერთაშორისო სემინარი გაიმართა თემაზე “კეთილდღეობა სკოლებში”. სემინარზე ერთ-ერთი მომხსენებელი თემურ ჯვარშეიშვილი იყო, რომელმაც გააცნო აუდიტორიას პრეზენტაცია თემაზე “ხელოვნური ინტელექტი განათლებაში”.
სემინარი მიზნად ისახავდა მასწავლებლებისთვის ცოდნის და ინოვაციური მიდგომების გაზიარებას, რაც მნიშვნელოვანია თანამედროვე სასწავლო პროცესში ხელოვნური ინტელექტის როლის ზრდის ფონზე. თემურ ჯვარშეიშვილმა საკუთარი გამოცდილებიდან საგანმანათლებლო საზოგადოებას წარუდგინა ის გზები, რომლითაც ხელოვნური ინტელექტს შეუძლია სკოლებში განათლების ხარისხის გაუმჯობესება და მოსწავლეთა კეთილდღეობის ხელშეწყობა.