ქუთაისის ამერიკულმა კუთხემ და ორგანიზაცია “განვითარების ჰაბის” დამფუძნებელმა და დირექტორმა თემურ ჯვარშეიშვილმა 27 მაისს  კონსტრუქტ2-ის მსმენელებთან და პროფესიულ სტუდენტებთან ტრენინგი გამართა თემებზე – ინტერნეტუსაფრთხოება და მასთან დაკავშირებული საკითხები; უსაფრთხო მესინჯერები და კიბერჰიგიენა; პრაქტიკული რჩევები ინტერნეტის უსაფრთხო მოხმარებასთან დაკავშირებით და ა.შ. შეხვედრა ინტერაქტიურ ფორმატში გაიმართა და კითხვა-პასუხის სესიით დასრულდა.

განვითარების ჰაბი და ტყიბულის რაიონის განვითარების ფონდი (TDDF) თანამშრომლობას იწყებს ახალგაზრდების არაფორმალური განათლების მიმართულებით. TDDF ჩეხურ საერთაშორისო ორგანიზაცია „ფიფლ ინ ნიდთან” (PIN) თანამშრომლობით ტყიბულის მუნიციპალიტეტში მცხოვრები ახალგაზრდებისთვის ახორციელებს პროექტს „მედიაწიგნიერების გაძლიერება დოკუმენტური ფილმების ჩვენებით“. ფონდის მიწვევით”განვითარების ჰაბის” დირექტორი, თემურ ჯვარშეიშვილი პროექტში მონაწილე ახალგაზრდებს გააცნობს ინტერნეტ უსაფრთხოების საკითხებს. შეხვედრა ონლაინ ფორმატში 28 თებერვალს გაიმართება.

29 დეკემბერს განვითარების ჰაბის თანადამფუძნებელი და დირექტორი, თემურ ჯვარშეიშვილი ორგანიზაცია “ამერიკული კუთხეების” ქუთაისის ოფისის მიწვევით გამართავს საჯარო ლექციას კიბერუსაფრთხოების შესახებ. შეხვედრა 17:00 დაიწყება. შეხვედრაზე დასასწრებად, გთხოვთ, დარეგისტრირდეთ შემდეგი ბმულის მეშვეობით – https://www.facebook.com/events/306780603974571

სათემო ფონდ ნეფას „სამოქალაქო აქტივიზმის სკოლის“ ზაფხულის ბანაკის მონაწილეებს განვითარების ჰაბის დირექტორი, თემურ ჯვარშეიშვილი ესაუბრა მედიაწიგნიერებაზე, დეზინფორმაციაზე და სამოქალაქო აქტივიზმის კამპანიის დაგეგმვისას სოციალური მედიის გამოყენების შესაძლებლობებზე. სტუდენტები გაეცნენ ინფორმაციის გადამოწმების ტექნიკებს, სოციალური მედიაკამპანიების დაგეგმვის და საქმიანი კომუნიკაციის საშუალებების გამოყენების მეთოდებს. პროექტი „სამოქალაქო აქტივიზმის სკოლა“ ხორციელდება ფონდ „ტასოს“ მხარდაჭერით. სკოლის მიზანია ანაკლიის, განმუხურის და დარჩელის თემებში […]